វិភាគសូរព្យញ្ជនៈ # 1

វិភាគសូរព្យញ្ជនៈ # 1

សូរព្យញ្ជនៈខ្យល់ស្ទះ

         សូរក្រុម [p], [b], [t], [d], [c], [k] និងក្រុម [ph], [th], [ch], [kh]។

ព្យញ្ជនៈខ្យល់ស្ទះ (ឥតខ្យល់)

 សូរ [p] ប៉​.ព និង [b] ប.ប៊

​       -តាមរូបចំហៀងមាត់ : មុំថ្គាមតូចណាស់ ខ្នងអណ្តាតទម្លាក់ចុះពេញទី ខ្នងអណ្តាតនិងពិដានមិនប៉ះគ្នាទេ

        -តាមវិធីផ្តិតក្រអូម : មុនពេលបន្លឺ អណ្តាតនិងថ្គាមត្រូវរៀបចំស្ថានភាព ហើយប្រឹង ដូចនេះសូរ ប៉.ព ជាសូរស្ទះខ្យល់ ព្រោះការបន្លឺមានការរៀបចំស្ថានភាពនៃប្រដាប់បន្លឺ ការប្រឹងនៃប្រដាប់នបន្លឺ និងការផ្លាស់ទីកន្លែងនៃប្រដាប់បន្លឺពីទីបន្លឺដើម្បីលែងសន្ទះខ្យល់។

-តាមសភាពខ្សែរលកសំឡេងនៃពាក្យ : ប៉ី និង ពូ ពុំធ្វើអោយចន្លោះខ្សែសំឡេងញ័រទេ។ ដូចនេះ [p] ជាសូរ​ថ្លង់។ ប៉ុន្តែខ្សែរលកនៃពាក្យ បើ និងពាក្យ សាប៊ូ សូរ [b] ធ្វើអោយចន្លោះខ្សែសំឡេងញ័រ។ ដូចនេះ [b]        ជា សូរឮ។

            រួមមក : សូរ [p] ជាសូរខ្យល់ស្ទះបបូរមាត់់ ថ្លង់

                        សូរ [b] ជាសូរខ្យល់ស្ទះបបូរមាត់ ឮ

-ក្នុងឋានៈជាខ្យល់ប្រកបសូរ [p] គេសម្គាល់បានតែលក្ខណៈបន្លឺ ឯលក្ខណៈឮគ្មានជាសូរលេប ចំណែកសូរ [b] ជាសូរឮ តែមិនដែលប្រើជាខ្យល់ប្រកបទេ។

  ដោយ៖ រិទ្ធ បូរា